اتش دى فيلم :

#أبراج_السبت16فبراير2019🔮
القمر بكرا بكمل ببرج السرطان ♋

#الحمل ♈
جو البيت معكر وعندك قصص عائلية بدها حل ..
يوم معكر بالبيت عندك وعم تفكر بقصة عقار بدك تبيع او تشتري وخليك رايق ولا تضوج و بدي منك تكون ايجابي وتبعد عن التفكير بسلبية وبتوتر وكل شي رح يكون افضل وانت بمرحلة مهمة بحياتك بدها انتباه وخاصة على صعيد اهلك وبيتك وكمان في سكن جديد للبعض ..
عاطفيا .. في كتير قصص براسك حاول تختار صح الشريك يلي بيستاهلك ..
■النسبة المئوية :
●مهنيا : %64 ●ماليا : %61 ●عاطفيا : %67 ●صحيا : %60

#الثور ♉
علاقاتك بتتحسن ويوم في لقاءات واتصالات اكتر ..
قصة بتخص اخ بتشغلك بهاليوم وكمان قصص بتخص موبايلك وانت مميز بحضورك وبكون عندك القدرة تتم كل شي وممكن تسافر وتتلقى اتصالات من ناس مهمة وتحصل على مواعيد بتفيدك لكن بدي منك تنتبه من حوادث السير وكمان لقصة بتخص الانترنت ..
عاطفيا .. تحسن كبير وحالتك جيدة واللقاء يلي رح يكون بهاليوم رح يكون متل مابدك ..
■النسبة المئوية :
●مهنيا : %79 ●ماليا : %76 ●عاطفيا : %78 ●صحيا : %75

#الجوزاء ♊
عم يكون عندك مال بس عم تصرف كتير ..
عم يكون صرفك زايد ومشروع شغل عندك ومو مرتاح ماليا ويوم بيحملك مصاريف كبيرة لكن بالمقابل اذا ناطر مبلغ ممكن كتير يجيك بهاليوم مشان هيك جهزلي حالك وفكر كمان بشغل جديد يحسن وضعك المادي ويدعمك لقدام بمورد جديد ..
عاطفيا .. الظروف حلوة بعلاقتك حاول تحافظ على استقرار علاقتك وتكون مع الشريك ..
■النسبة المئوية :
●مهنيا : %70 ●ماليا : %82 ●عاطفيا : %79 ●صحيا : %73

#السرطان ♋
بتنحل الأمور عندك بترتفع طاقتك وبتكون أفضل ..
يوم لحلول عندك وانفراج وكمان عم تطلع من الاجواء السلبية يلي لازمتك وتحل أمورك وتكون قادر تقلب الأوضاع لصالحك وعندك الطاقة والحظ حاول قد مافيك تبدا من جديد ولا تلتفت للماضي حتى تنجح وتغير بشكلك ووضعك وتفتح صفحة جديدة وتسمع اخبار حلوة ..
عاطفيا ..يوم ممكن يحملك حب جديد او تطورات مهمة بعلاقتك مع الشريك ..
■النسبة المئوية :
●مهنيا : %92 ●ماليا : %84 ●عاطفيا : %88 ●صحيا : %81

#الأسد ♌
بتحس بوحدة وبتتفاجأ بأشخاص كيف صارت ..
للاسف ماحدا عم يقدر وضعك وظروفك وضايج وانت مو عبعضك ومو مرتاح عم تكون بهاليوم في تأجيل ببعض الأمور عندك وهالشي عم يخليك مدايق من كتار من الناس بس ماتخاف وخلص شغلك الضروري وحاول تتجنب الناس يلي مابترتحلن بهاليوم ..
عاطفيا .. عم تبحث عن شخص صادق يكون بيستاهل يكون شريك الك بهالوقت ..
■النسبة المئوية :
●مهنيا : %65 ●ماليا : %57 ●عاطفيا : %62 ●صحيا : %59

#العذراء ♍
لقاءات حلوة هاليوم وبتتلقى مساعدة من صديق ..
يوم بيدعم عندك المناسبات وكمان فيك تكون قريب من ناس بتحبن وانت ملفت للأنظار بهاليوم و عم تقضيه مع ناس غالية عليك وأجواء اجتماعية بامتياز بعزايم ولقاءات حلوة وفي مساعدة ممكن تتلقاها ورح يكون في دعم الك من الاصدقاء بس انت لاتبقى لحالك ..
عاطفيا .. طلتك حلوة وجاذبيتك مرتفعة بهاليوم فاستغل هالشي وممكن يكون فرصة لخطبة عند البعض ..
■النسبة المئوية :
●مهنيا : %75 ●ماليا : %72 ●عاطفيا : %78 ●صحيا : %70

#الميزان ♎
يوم منيح لشغل جديد ولقاءات مهمة ..
حاول تكون جاهز بهاليوم وكون دقيق لأن عم تكون بيوم حساس بيحتاج منك الدقة والتركيز حتى يمرق بأفضل حال فيمكن عم يكون عندك لقاء مهم بالشغل او حتى امتحان وهالشي بيتطلب منك الانتباع ولاتخالف القوانين لتنجح وفرص شهرة وللبعض تشويه سمعة ..
عاطفيا .. تطور بعلاقتك ووضعك العاطفي جيد وفي فرص لاعجاب من شخص مهم عندك فحدد خياراتك ..
■النسبة المئوية :
●مهنيا : %73 ●ماليا : %70 ●عاطفيا : %78 ●صحيا : %67

#العقرب ♏
فيك تسافر وتعرف ناس جديدة بهاليوم ..
عندك حظ بيدعمك بيوم جيد وقادر تغير الأمور لصالحك وعم يكون من افضل الأيام مبسوط وقادر توصل صوتك بسهولة وعم تتعرف على ناس جديد كمان عندك فرص لسفر واتصالات بعيدة بالمجمل يوم حافل عندك فاستغلو وانتبه من حوادث السير ..
عاطفيا .. تفائل لأن الوضع العاطفي عم يتحسن بهاليوم وقادر تحل اي مشكلة مع الشريك اذا بدك ..
■النسبة المئوية :
●مهنيا : %82 ●ماليا : %86 ●عاطفيا : %89 ●صحيا : %83

#القوس ♐
عم تحل قضية عندك ومال ومصالحات عندك ..
عم تكون بوضع منيح وبتتحسن أمورك و عم تشعر بأنو الضغط بلش يخف عندك وبلشت الحلول شوي شوي وعندك القدرة على التوصل لاتفاق ومصالحات ويوم بيحملك مال من شراكة او ميراث وكمان تحسن وراحة وحل لقضية قانونية او مصالحات..
عاطفيا .. استغل يومك وكون قريب من الشريك وحسن وضعك العاطفي ..
■النسبة المئوية :
●مهنيا : %69 ●ماليا : %79 ●عاطفيا : %70 ●صحيا : %72

#الجدي ♑
يوم لتوقع شراكة او حتى ارتباط ومنفعل احيانا ..
يوم في كتير قصص بتخص شراكات فكون جاهز وخليك متفهم لأن يومك في كتير من الأمور يلي بحاجة انتباه منك ممكن تتم شراكة وتحصل على اتفاق بخصوص موضوع مهم رغم انك منفعل زيادة بس رح تمر على خير وانتبهلي لعلاقاتك بالشغل وبالبيت ..
عاطفيا .. وضعك العاطفي بكون حساس بهاليوم مشان هيك انتبه وحاول تكون بعيد عن اي مواجهة وعند البعض في فرصة ارتباط ..
■النسبة المئوية :
●مهنيا : %58 ●ماليا : %62 ●عاطفيا : %67 ●صحيا : %60

#الدلو ♒
شغل جديد ومسؤوليات وانتبه صحيا ..
لازم تبلش نهارك بتنظيم وكل شي تعملوا بوقتو وانت محملها زيادة وشايل مسؤولية وانك لازم تتعب وتوجع قلبك بقصص الاهل والشغل بدي منك تروق وتشيل عن كتفك حمل لترتاح وصحيا كمان انتبه بهاليوم وخلص شغلك الضروري ..
عاطفيا .. عندك جاذبية بس بالك مو فاضي حاول تفصل بالأمور ولازم الشريك يتفهمك ..
■النسبة المئوية :
●مهنيا : %63 ●ماليا : %60 ●عاطفيا : %67 ●صحيا : %59

#الحوت ♓
تطورات حلوة بالعاطفة عندك ويوم افضل عائليا ..
يومك أفضل بالحظ والفرص وبكون متل منفذ الك بعد ضيق وبتحل مشكلة بالبيت وعم يكون من الايام الحلوة يلي ناطرتك فيها اوقات ممتعة خليك جاهز لهالشي وكون واثق من قدرتك على قلب الأمور لصالحك وفرص رح تجيك بهالفترة وانجاب للبعض ..
عاطفيا .. عندك يوم حلو في اوقات مميزة ممكن تستغلها مع الشريك وتنبسط فيها ..
■النسبة المئوية :
●مهنيا : %80 ●ماليا : %81 ●عاطفيا : %89 ●صحيا : %86