اتش دى فيلم :

#أبراج_الأحد10مارس2019🔮
القمر عم ينتقل بكرا لبرج الثور

#الحمل

عندك مال عم تصرف كتير انتبه ويمكن تقبض ..
فكر كيف توفر ماليا وعم تشغلك بهاليوم امور مهنية كمان يوم للمال مكاسب او خسارة انتبه لمصروفك واطلب مساعدة اذا احتجت اليوم وحاول تدفع بأمور الشغل عندك وممكن يجيك مبلغ مالي منيح ..
عاطفيا .. انت محتار وعم تحس انك ماعم تلاقي الشخص المناسب و مو راضي عن شي انتظر الفرصة المناسبة ..
■النسبة المئوية :
●مهنيا : %69 ●ماليا : %79 ●عاطفيا : %73 ●صحيا : %75

#الثور

يوم بيحملك تحسن وتطورات ايجابية وحلول ..
عم تتحسن أوضاعك بهاليوم وعندك العلاقات يلي بتدعمك وحاول ابدأ بخطوات جديدة الحظ معك وعندك تغييرات مناسبة اذا بدك وعم ترجع ثقة الناس فيك وتقدر لتغير امورك للافضل وتكون بمكان أفضل ..
عاطفيا .. فكر بالحب يلي بريحك وبيعطيك الاهتمام اللازم سكر عالماضي بكفيك تعب ..
■النسبة المئوية :
●مهنيا : %86 ●ماليا : %85 ●عاطفيا : %89 ●صحيا : %82

#الجوزاء

حاول تهدي بهاليوم وماتتسرع بشي مهم ..
حاول هاليوم تعرف تتصرف وتهدي الأمور لأنك عم تمر بفترة متعبة مافييها حظوظ حاول ترتاح وانتبهلي لصحتك ولا تفوت بمشاريع جديدة حتى ماتخسر و ليمر هاليوم على خير ودير بالك من الحوادث..
عاطفيا .. مدايق لان عم يستغل الشريك ظروفك الصعبة حتى حاول ماترد على كلام ناس حوليك ..
■النسبة المئوية :
●مهنيا : %62 ●ماليا : %60 ●عاطفيا : %65 ●صحيا : %58

#السرطان

عم يكون عندك لقاءات حلوة ورفقات وعزايم ..
يوم لصداقات وأجواء اجتماعية وانت قدام تحسن بوضعك عم تلتقي رفقاتك وتشارك بفعاليات مهمة كمان عم تهتم لحدا بيقربك وعم تحس براحة اليوم وعم يساعدك صديق فلا تتردد بطلب المساعدة ..
عاطفيا .. فرصة مناسبة لترجع العلاقة لمسارها الطبيعي وتحس بالاهتمام من الشريك بس انتبه من المشاكل
■النسبة المئوية :
●مهنيا : %75 ●ماليا : %73 ●عاطفيا : %80 ●صحيا : %78

#الأسد

يوم لتبدا شغل جديد ومشروع مهم براسك ..
بهاليوم حاول تحسم أمورك ولازم تركز وتحافظ على سمعتك بالشغل وعلاقتك بالمسؤولين تصرف بهدوء وانجز شغلك بدون مشاكل ونرفزة وحاول تكون ذكي ومنتبه لتحصل على المكانة يلي بتطمح فيها ..
عاطفيا .. الشريك تعب من مشاكلك مع انو لازم يكون حدك وهالشي عم يزعجك
■النسبة المئوية :
●مهنيا : %71 ●ماليا : %63 ●عاطفيا : %61 ●صحيا : %65

#العذراء

فرص لسفر ولقاءات جديدة عندك وحلول لمشاكلك ..
من الأيام الجيدة عندك ويومك حلو بكون سفر وتواصل وعلاقات جديدة انت امام يوم بترتاح فيه من الضغط وبتكتر عندك الاتصالات وفي احتمال سفر الظروف ملائمة لورشة شغل او عمل جديد اذا بدك ..
عاطفيا .. عم تفكر باحبابك اليوم وفي اخبار حلوة جاية وانت عم تحل مشاكلك
■النسبة المئوية :
●مهنيا : %79 ●ماليا : %81 ●عاطفيا : %85 ●صحيا : %83

#الميزان

يوم في تحسن نسبي ومال ممكن وبترتاح شوي ..
وضعك أفضل وعم يكون عندك أمور مالية وحلول هاليوم وعم تبلش امورك تنحل خليك هادي ومتسامح وفي عندك فرصة لمكسب مادي وخليك واعي لتصرفاتك وانتبه من الناس يلي حوليك كمان ..
عاطفيا .. انت بحاجة لحدا يفهمك ويكون حدك بهالفترة لان ماحدا عم يعرف يتعامل معك ..
■النسبة المئوية :
●مهنيا : %67 ●ماليا : %70 ●عاطفيا : %68 ●صحيا : %64

#العقرب

عم تدايق من كتير اشخاص ولازم تهدي ..
كون دبلماسي بهاليوم وساير حتى لو كنت متوتر وعم تركز على امور الشراكة ممكن يكون عندك عقد او مشروع مشترك مع حدا لاتخلي المسؤوليات توترك انت بحاجة للتركيز والهدوء وعدم التسرع لتنجح ..
عاطفيا .. انتبه لمشاعر الشريك وخليك رايق ولاتعصب على اصغر الامور واذا عم تفكر بخطبة يوم مناسب ..
■النسبة المئوية :
●مهنيا : %59 ●ماليا : %60 ●عاطفيا : %68 ●صحيا : %64

#القوس

امور صحية عندك وبداية شغل وتغييرات فانتبه ..
موضوع صحي شاغلك وتأخير بالأمور عندك عم تحس حالك مرهق بس اهم شي اليوم لاتخلي الشغل يتراكم عليك وانت قادر تنجز الكتير نظم وقتك وارتاح ولاتفقد تركيزك وانتبه لصحتك ولاتهملها وفترة وبتنحل ..
عاطفيا .. ممكن يساعدك الحبيب ويساهم براحتك هالفترة رغم انك عم تحس بالأهمال من ناحيتو ..
■النسبة المئوية :
●مهنيا : %60 ●ماليا : %61 ●عاطفيا : %63 ●صحيا : %56

#الجدي

الحظ بيوقف معك وعاطفيا بترتاح ..
يوم بيدعمك بالحظ وفرص ناطرتك استفيد من هاليوم ومن الفترات الحلوة كتير والحظوظ داعمة وبقوة عم تفكر بانك تتقرب من ناس غاليين عندك لاتتردد ولطف الاجواء واستغل هاليوم وعزز وضعك ..
عاطفيا .. امورك تمام عم تسحر بحضورك اليوم بس في قلق جواتك وضغط مخبى ..
■النسبة المئوية :
●مهنيا : %84 ●ماليا : %81 ●عاطفيا : %89 ●صحيا : %86

#الدلو

قصص بالبيت ومواضيع العيلة بتشغل بالك ..
عم تنزعج هاليوم بسرعة ومشغول بالك على عيلتك و مسؤوليات بالبيت خليك هادي وخاصة مع محيطك العائلي تفهم الامور بعقل وحاول تحلها ولاتتسرع بالحكم ولا تعند وعندك تعاملات عقارية اذا بدك ..
عاطفيا .. عم تحس بانو الحبيب بعيد عنك هاليوم ومدايق كتير من هالشي ..
■النسبة المئوية :
●مهنيا : %64 ●ماليا : %60 ●عاطفيا : %68 ●صحيا : %62

#الحوت

عم تنجح بهاليوم وبكون عندك حلول وسفر ولقاءات ..
يومك بكون منيح فيه تواصل واقناع نشيط اليوم اتصالات وسفر وعندك سرعة بديها وقادر على انجاز الكتير من شغلك وتصل لأماكن متقدمة وممكن تحصل على موبايل او سيارة بس انتبه من الحوادث ..
عاطفيا .. فرصة منيحة اذا حابب تقضي وقت حلو او تلاقي الاعجاب من حدا ..
■النسبة المئوية :
●مهنيا : %78 ●ماليا : %73 ●عاطفيا : %80 ●صحيا : %75